नेपाली काँग्रेसका महामन्त्री विश्व प्रकाश शर्मालाई यो पटक जसरी पनि चुनाव जिताउन प्रवुद्ध समूह जुटेको छ । झापा क्षेत्र नम्वर एकमा मुल घर भइ काठमाण्डौमा विभिन्न पेशा व्यवसायमा संलग्न अग्रजहरुले अहिले धमाधम झापामै मतदाता नामावली सार्न थाल्नु भएको छ । यसरी नामावली सार्नेमा प्रज्ञा प्रतिष्ठानका पूर्व कुलपति एवं प्रख्यात आयामेली कवि बैरागी काइँलासमेत देखिनु भएको छ । महामन्त्री शर्माले आफ्नो फेसवुक पेजमा बरिष्ठ साहित्यकार काइलालाई झापा क्षेत्र नम्वर एकमा स्वागत गर्नु भएको छ ।
यसैगरी साहित्यकार डा विष्णुविभु घिमिरे, चिकित्सक प्रा डा कमल कोइराला लगायतले पनि झापा क्षेत्र नम्वर एकमा परिवारसहितको मतदाता नामावली स्थानान्तरण गर्नु भएको छ । झापा काठमाण्डौ सम्पर्क समितिका सभापति प्रज्वल कोइरालाका अनुसार समितिको पहलमा अहिलेसम्म विभिन्न पेशा व्यवसायमा ख्याति कमाउनु भएका दर्जनौ व्यक्तित्वसहित करिव ३ सय जनाले काठमाण्डौ निर्वाचन कार्यालयबाट झापा क्षेत्र नम्वर एकका लागि मतदाता नामावली दर्ता गर्नु भएको छ । कोइरालाका अनुसार यसरी नामावली सार्नेमा बिभिन्न व्यवसाय गर्ने व्यवसायी, बैंकर,कर्मचारी लगायत छन् । स्वर्तस्फूत झापा नामावली सार्नु भएकाहरुले झापा क्षेत्र नम्वर एकमा विश्वप्रकाशलाई दिने मतको अर्थ आफ्नो र देशको सपनासँग जोडिएकोले पार्टी भन्दा माथि उठेर स्थानान्तरण गर्न लागेको बताउनु भएको छ । उहाँहरुले विश्वप्रकाश शर्मालाई एक पटक जिताएर संसद प्रवेश गराउने आफुहरुको चाहना रहेको पनि बताउनु भयो । शर्माले जिते झापा क्षेत्र नम्वर एक देशकै राजनीतिक केन्द्रविन्दु हुने उहाँहरुको भनाई छ ।
आफ्नो बलबुतामा पार्टीको महामन्त्री जस्तो गरिमामय पदमा विद्रोह गरी निर्वाचित भएका शर्मालाई संसदबाट पनि स्थापित गर्नुपर्ने जनमत विस्तारै बढ्दै गएको छ । अवको एक दशकभित्र पार्टी र देशको नेतृत्व गर्न सक्ने आधार बनाउँदै गएका शर्मालाई पार्टीको गुट उपगुट भन्दा माथि राखेर सहयोग गर्नु पर्ने दवाब झापामा बढ्न थालेको छ ।