ताजा अपडेट
Ambe Steels: Dainik 1400T
श्रीपेज २६ बैशाख २०७८

संक्रमित सांसदले संसदमै उपस्थित भएर मतदान गर्ने

नेपाल प्रेस २०७८ वैशाख २६ गते : काठमाडौं । प्रतिनिधिसभामा प्रधानमन्त्रीलाई विश्वासको मत दिनेसम्बन्धी प्रस्तावमा कोरोना संक्रमित सांसदहरुले पनि मतदान गर्ने भएका छन् ।

संसदको कार्यव्यवस्था समितिको आजको बैठकमा संक्रमित सांसदहरुलाई संसद भवनमै उपस्थित गराएर मतदानको वातावरण बनाउने विषयमा दलहरुबीच सहमति बनेको छ ।

समितिका सदस्य एवं एमाले सांसद शेरबहादुर तामाङले संक्रमित सांसदहरु बैठक अवधिमा संसद भवन परिसरमा राखिएको अलग-अलग टेण्टमा बस्ने बताए ।

‘बैठक अवधिमा उहाँहरू अलग-अलग टेण्टमा रहनुहुन्छ । मतविभाजनको बेलामा सुरक्षित ढंगले लबीमा पुगेर आफ्नो मत दिएर फर्कनुहुन्छ’, तामाङले नेपाल प्रेससँग भने ।

प्रतिनिधिसभाका २६ सांसदहरुलाई कोरोना संक्रमण पुष्टी भइसकेको छ । सोमबार सुरु हुने संसदको विशेष अधिवेशनमा प्रधानमन्त्री केपी शर्मा ओलीले विश्वासको मतसम्बन्धी प्रस्ताव पेस गर्ने र त्यसमा मतविभाजन गर्ने तयारी छ ।

Maruti Cement